احبوا الطفل المنغولى

احبوا الطفل المنغولى  http://mamy1st.blogspot.com/  

عايزين كلنا نتعلم نحمد ربنا على كل حاجة ادهالنا ، عايزين نتعلم مع بعض ازاى نلاقى نعمة ربنا فى أى حاجة بيعطيها لنا ... و مش ح نلاقى أفضل من الطفل المنغولى

الطفل المنغولى تحزن أسر كثيرة لرؤيته عند الولادة ، لكن بعد مرور الأعوام و السنين يكتشفوا انه اليد الحانية الوحيدة عليهم فى هذه الدنيا ، فقلب طفل المنغولى لا يتعكر أبدا من ملوثات الدنيا ، و يظل طاهر ليكون هو رحمة الله بالأسرة التى رزقها هذا الطفل الطيب ... فالطفل المنغولى هو المادة الخام للطيبة و البراءة ... لاحظوا معايا الطفل المنغولى كدة ، ح تلاقوه دايما مبتسم و يحمل ملامح الرضا على وجهه

و عشان الطفل المنغولى هو الرحمة إللى بعتهالنا ربنا ، يهمنا نتكلم عن صحة الطفل المنغولى و نعرف يا ترى الاهتمام بصحة الطفل المنغولى مماثلة بنفس درجة الاهتمام بالطفل العادى ولا أكتر و لا أقل

اول حاجة لازم نعرفها هى ملامح الطفل المنغولى عند الولادة :

-        اللسان متضخم و خارج من الفم قليلا

-        طفل خملان ، دايما نايم و ما بيتحركش كتير

-        الايدى فيها خط واحد مش تلاتة زى العادى

-        الرضيع المنجول ما بيرفسش و ما بيحركش إيديه و رجليه زى العادى

-        الصباع الصغير فى يد المنجول بيكون متنى لجوة

-        و كل صوابع يد المنجول تقريبا بتكون طول واحد مش عاملة منحنى و متدرجة زى الصواعب العادية

-        فى قدم الطفل المنغولى بيكون فى مسافة كبيرة بين الصباع الكبير و الصابع الذى يليه

كل العلامات السابق ذكرها مش لازم تكون موجودة فى الطفل المنجول ، لكن بعض منها ... و قد تتوفر كلها فى بعض الأطفال المنجول .. ف الطفل المنغولى يعرف من اول لحظة فى الولادة ، فملامحه تدل عليه

الأسباب الطبية لتكوين الجنين المنغولى فى رحم الأم :

  الكرموسومات .. إللى لازم تكون دايما 21 فى كل خلية .. لكن الوضع بيختلف عن الطفل المنغولى ، فالكرموسومات بتكون 22 .... و السبب سن الأم ، فلو ان  سن الأم  أو عمرها 20 سنة يبقى فى كل 1500 طفل يظهر طفل واحد منجول ، و لو سن الأم أى عمرها 30 سنة يبقى كل 900 طفل يظهر طفل واحد منغولى .... و لو عمر الأم 35 سنة يتولد طفل منغولى كل 685 طفل ...

التعرف على الجنين  المنغولى :

بالتشخيص أثناء الحمل و  ها التشخيص يتم على ثلاث مراحل

-        تحليل الدم من اولى خطوات التشخيص اثناء الحمل ، و اسمه تريبل ماركر و ده بيتعمل فى الأسبوع 15 أو 16 من الحمل

-         و تانى تشخيص اثناء الحمل بيكون عن طريق قياس سمك الجلد فى رقبة الجنين عن طريق الموجات الصوتية

-        و تالت طريقة للتشخيص اثناء الحمل بتكون عن طريق السونار ، حيث يتم تدخيل ابرة فى وريد الجنين لأخذ عينة من دم الجنين و تحليلها ، و هنا بنتأكد بشكل تام ان كان الطفل سيولد منغولى ولا لأ ، لأن الطريقة دى بتعتمد على تحليل الكرموسومات الخاصة بالبىبى

لو اكتشفت الأم فى منتصف الشهر الثانى انها حامل فى منغولى فهنا لها حرية الاختيار ، لأن الروح لم تكن قد نفخت بعد
و لكم تحياتى
مامى لأول مرة
http://la3ya3nyno.blogspot.com/

    

ملاحظة : التحاليل السابقة كلها اجبارى فى الخترج لو تخطت الأم سن 35 سنة لكى تتأكد انها لن تحمل فى طفل منغولى